ሻሎም ኣምልኾን ፈውስን ቤተክርስትያን፡ "ማሕበር ኣምላኽ ዓያይን ተዓዛባይን ዘለዎ መድረኽ ዘይኮነ፡ ኩሉ ከም ዝተዋህቦ መስፈር ጸጋ ተኾሊዑ ናብ ዝወጻሉ ምንባር ክሰጋገር ኣለዎ።" ዝብል ምርዳእ ሒዛ፡ ንኹሉ ተሳትፍን ተበራትዕን ዘላ ኣካል ክርስቶስ እያ። እዛ ብቑዕ ወደመዝሙር ክርስቶስ ንምፍራይ ዝዓጠቐት ቤተ-ክርስትያን መሓውራታ ዘርጊሓ ብኹሉ ኣንፈት ናብ ምዕባይ ትርከብ። ኩሉ ኣባል እዛ ቤተክርስትያን እዚኣ ዋኒኑ ዕዮ ኣምላኽ ብምዃኑ ኣብ ልቢ ብዙሓት ከቢዱ ዝተፈላለየ ደጌታት ተራሕዩሉ ዘዝኽእሎ ኣብ ምግባር ይርከብ ኣሎ።

ገና ነቲ ወንጌል ዘይሰምዐ ወንጌል ንምብሳር፡ "ክሳብ ወሰን ምድሪ ምዝርጋሕ!" ዝብል ድርኺት ሒዛ ወንጌል መንግስቲ ኣምላኽ ንምስፋሕ ኣሐይላ ኣብ ጸዓት ትርከብ።